منتدى بنات المغرب

عزيزي الزائر /عزيزتي الزائرة يرجى التكرم بتسجيل الدخول اذا كنت عضو معنا
او التسجيل ان لم تكن عضو و ترغب في الانضمام الى اسرة المنتدى
سنتشرف بتسجيلك
شكرا
ادارة المنتدى

بنات المغرب بليز ساعدوني

استعرض الموضوع السابق استعرض الموضوع التالي اذهب الى الأسفل

بنات المغرب بليز ساعدوني

مُساهمة من طرف helen of troy في الأحد أبريل 21, 2013 5:09 am

صباح الخير


كيفكون يا حلوات؟؟


صبايا انا عندي مشكلة و حابة تساعدوني من بعد ازنكون


بداية انا سورية





















قصتي بديت من حوالي كم شهر نخطبت لشب مصري, و خطيبي من قبل ما
يخطبني كان عم يدور على عروسة يا اما سورية او مغربية لاسباب خاصة


انا بحبو كتير بس هو كتير عقلو صعب و عنيد و مغرور و بيفكر انو كل
البنات لازم تجري وراه. ما بيصير قلو لا على شي نهايئا و ازا مرة ناقشتو بموضوع
بيقلي انتي عنيدة وما بتفهمي و متعبتيني, مع انو انا والله بستوعب عصبيتو و مزاجو
بس هو ما بيعجبو شي


عندو اصدقاء كتير متزوجين مغربيات و كل ما بيصير بيني و بينو مشكلة
بيقلي زوجة رفيقي المغربية ما بتعمل هيك و زوجة رفيقي المغربية كانت استوعبتو
اكتر, والله تعبني


صبايا انا تركت بلدي و جبت اهلي لمصر مشان ضل جنبو, و بلدي عم
تتدمر و الموت ببلدي شكلو اخد اقامة دائمة و كل يوم بسمع خبر مو منيح عن بلدي يا
اما حدا عزيز عليي مات يا اما مكان غالي على قلبي انقصف, ومع هيك بس شوفو او احكيه
بتظاهر اني كتير طبيعية بقول هو مالو ذنب مع اني من جوا بكون عم اتقطع, ومع هيك هو
مو مقدر هالشي


هو بيشتغل شغل شوي حساس و بيتطلب منو تركيز عالي, و من شهرين مو
متصل فيني و لا حتى حاكي معي بحجة انو عندو ضغط شغل كتير و انا تحملت و سكتت بس
مرة وحدة من اسبوعين عاتبتو قلتلو طيب انا الي حقوق عليك لازم تسال عني حتى لو
بمسج ما رح تاخد كتير من وقتك بس هو عصب و قلي انتي مافي منك فائدة انا شغلي هيك
فيو ضغط كبير, بنات حتى كل مرة بطلب منو شي ما بيعملي ياه بحجة نسيت و مضغوط و مو
فاضي, و انا جديدة بهالبلد و هو ابن البلد كان مفروض يسال فيني و يشوف شو ناقصني
بس هو مو مهتم ابدا, من يومين بعتلو انو في شخص عزيز عليي استشهد بسوريا. و لا حتى
قلي البقية بحياتك و طنش عالاخير,


من اسبوع قلتلو انا بدي سافر عند خالتي بلبنان و رح اترك مصر تصورو
يا صبايا قلي انتي حرة




يعني هو مو مهتم لامري ابدا و انا ما بعنيلو شي


والله تعبني كتير و عم احتار معو, احيانا بقول خلص لشو انا ضلانة
معو انا صغيرة و حلوة و متعلمة و لسا الحياة ادامي و لازم اتركو لانو متعبني كتير


و احيانا بقول لا يمكن هو منيح و انا ما عم اعرف اتعامل معو


بنات كرمال الله نصحوني شو اعمل, اعتبروني اختكون و قولولي شو اعمل
و كيف اتصرف معو

helen of troy
عضو جديد
عضو جديد

انثى عدد المساهمات : 1
نقاط : 3
تاريخ التسجيل : 21/04/2013

الرجوع الى أعلى الصفحة اذهب الى الأسفل

رد: بنات المغرب بليز ساعدوني

مُساهمة من طرف Titifa في الخميس يوليو 03, 2014 9:33 am

في نظري أنا اتركيه و روحي لعند خالتك أحسن إلك و الله ! 
 أُ إنت عارفة كويز إنو مو عاطيك أي أهمية طب ليش إنت بتنطريه لحد هلأ ؟؟ بتحبيييه ؟؟ لأأأ هذا موو حب أبدآ
إنت بتعتدي على نفسك 

Titifa
عضو جديد
عضو جديد

انثى الابراج الابراج : السمك
عدد المساهمات : 1
نقاط : 1
تاريخ التسجيل : 28/06/2014
العمر : 19

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى