منتدى بنات المغرب

عزيزي الزائر /عزيزتي الزائرة يرجى التكرم بتسجيل الدخول اذا كنت عضو معنا
او التسجيل ان لم تكن عضو و ترغب في الانضمام الى اسرة المنتدى
سنتشرف بتسجيلك
شكرا
ادارة المنتدى

الموت ديال الضحك مع نكت مغربية محترمة و نقية

اذهب الى الأسفل

الموت ديال الضحك مع نكت مغربية محترمة و نقية

مُساهمة من طرف saritaaa في الإثنين مايو 03, 2010 1:42 pm

هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو وفرع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي




--------------------------------------------------------------------------------




هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما

--------------------------------------------------------------------------------


هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة

--------------------------------------------------------------------------------


واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟


--------------------------------------------------------------------------------


واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا


--------------------------------------------------------------------------------


واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟


--------------------------------------------------------------------------------

هادا واحد المعلم رسم سباط ف السبورة وسول واحد التلميد: أشنو هادا؟
قال ليه الولد: هباط
سلخو المعلم مزيان وقال ليه: لا هادا سميتو سباط
الغد ليه عاود المعلم رسم سباط وسول نفس التلميد: أشنو هادا؟
عاود قال ليه الولد: هباط
عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك
منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط
بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟
avatar
saritaaa
عضو جديد
عضو جديد

انثى الابراج الابراج : الثور
عدد المساهمات : 40
نقاط : 256
تاريخ التسجيل : 30/04/2010
العمر : 22
الموقع : mktoob .com

الرجوع الى أعلى الصفحة اذهب الى الأسفل

رد: الموت ديال الضحك مع نكت مغربية محترمة و نقية

مُساهمة من طرف sawsan في الإثنين مايو 03, 2010 1:45 pm

شكرا
avatar
sawsan
الادارة
الادارة

انثى الابراج الابراج : الثور
عدد المساهمات : 30
نقاط : 12849
تاريخ التسجيل : 30/04/2010
العمر : 24
الموقع : www.zik66.com

الرجوع الى أعلى الصفحة اذهب الى الأسفل

رد: الموت ديال الضحك مع نكت مغربية محترمة و نقية

مُساهمة من طرف 00966544444217 في الإثنين مايو 16, 2011 4:39 pm

شــــــــــــكر

00966544444217
عضو جديد
عضو جديد

عدد المساهمات : 4
نقاط : 4
تاريخ التسجيل : 04/05/2011

الرجوع الى أعلى الصفحة اذهب الى الأسفل

رد: الموت ديال الضحك مع نكت مغربية محترمة و نقية

مُساهمة من طرف دلع في الأربعاء أغسطس 17, 2011 9:07 am

[flash][/flash]ههههههههههههههههههههههههههههههههههههههههههههههههههههههههههههههههههههههههههه بصراحة روووووووووووووووووووووووووعة يسلموااااااااااااا Laughing bounce

دلع
عضو جديد
عضو جديد

انثى عدد المساهمات : 1
نقاط : 1
تاريخ التسجيل : 12/08/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى